آخر تحديث: 28 / 3 / 2024م - 9:19 م

أبو ناصر كلنا بعدك أيتام

أبو ناصر كلنا بعدك أيتام

أبو ناصر كلنا بعد ايتام
ولاغاب الابو محد يعوض مكانه

النور لا روح اكيد يترك اظلام
والقمر لولا الشمس مانعرف زمانه

الدين نصرة دين أئمة وخدام
والدين بدون اخلاق ماله حصانة

انت جبل لوهزت الريح لخيام
وانت الزعيم اللي مجهز حصانه

وجهك شروح على مرور ليام
صار معبوس بمعمعات الخيانة

صعبات ليام لنا درع وحزام
ولاترضى عن هرج الغبي والهوانة

في كفك اليمنى شهادات وحسام
وبين الظلوع اسكنت طيب ورصانة

تبني وما همك لو الجمع هدام
وتهدم حصون الجهل وبكل رزانة

ولا غفت عيون لكوان ونيام
فزيت كنك ذيب يحمي اخوانه

لانه الاسد ما يقهره ظيم ظيام
ولنك ملك في هيبته وعنفوانه

ولنك شهم فوق الشهامة ومقدام
ولنك من اللي شرى عزه وصانه

يصعب على اللي مثلي يقيمك بأقلام
وكتاب ربي صار لصدرك خزانه

مؤمن ولاترضى على دين الاسلام
توالي كل من حمى دينه وصانه

تغض عينك عن حواسيد واقزام
وكفك بكف اللي المراجيل شانه

زينك فرض حبك على كل همام
والناس يسحرها من الزين زانه

الطيب ثوبك من ازمان وقدام
وبكل فخر دايم مرخي عنانه

واليوم حكم الله على كل الانام
والموت حق وعلى الخلايق امانه

اطلب من الله كثر ما صام صوام
في جنة الفردوس وفي ارجوانه

مع شفيع الخلق وعند اشرف امام
تفوز بالناموس وتنعم في جنانه.




​أشذو بهذه الابيات وانا كلي الم واسى على رحيل القامة القديحية القطيفية الوطنية الوالد:  المرحوم الحاج سعيد بن ناصر الخاطر 

وانا لله وانا اليه راجعون.

اعزي نفسي وعائلة الخاطر الكرام واهاليهم وكل من له صلة بالمرحوم ابي ناصر ذو اليد المعطاءة و الخيرة على الجميع.